കരട് പാര്പ്പിട നയം പ്രസിദ്ധീകരിച്ചു
എല്ലാവര്ക്കും വീട് എന്ന ലക്ഷ്യം മുന്നിര്ത്തി സമഗ്രമായ മാറ്റങ്ങള്
വരുത്തി കരട് കേരളപാര്പ്പിടനയം 2011 പൊതുജനാഭിപ്രായം
രേഖപ്പെടുത്തുന്നതിനായി പ്രസിദ്ധീകരിച്ചു. www.kerala.gov.in,
www.hsgcomr.kerala.gov.in, www.kshb.kerala.gov.in,വെബ്സൈറ്റുകളില്
പരിഷ്കരിച്ച നയത്തിന്റെ പകര്പ്പ് ലഭിക്കും. അഭിപ്രായങ്ങളും
നിര്ദ്ദേശങ്ങളും ആഗസ്റ് 26 നകം ഹൌസിങ് കമ്മീഷണര്, ഹൌസിങ് കമ്മിഷറുടെ
കാര്യാലയം, കെ.എസ്.എച്ച്.ബി.ബില്ഡിങ്, ശാന്തിനഗര്, തിരുവനന്തപുരം - 1
വിലാസത്തിലും housingcommissioner@gmail.com, secretarykshb@gmail.com
ഇ-മെയില് വിലാസത്തിലും നല്കാം.
സെമിനാറും ഓണാഘോഷവും
കേരള വനിതാ കമ്മീഷന് സെപ്തംബര് അഞ്ചിന് സംഘടിപ്പിക്കുന്ന സൈബര്
കുറ്റക്യത്യങ്ങള് സംബന്ധിച്ച സെമിനാറും ഓണാഘോഷവും സാമൂഹ്യക്ഷേമ
പഞ്ചായത്ത്കാര്യ വകുപ്പ് മന്ത്രി ഡോ. എം.കെ. മുനീര് ഉദ്ഘാടനം ചെയ്യും.
വനിതാ കമ്മീഷന് ചെയര്പേഴ്സണ് ജസ്റിസ് ഡി. ശ്രീദേവി അദ്ധ്യക്ഷത വഹിക്കും.
ഡോ. അലക്സാണ്ടര് ജേക്കബ് മുഖ്യപ്രഭാഷണം നടത്തും. കമ്മീഷന് അംഗങ്ങളായ
ടി. ദേവി, പി.കെ. സൈനബ, രുഗ്മിണി ഭാസ്ക്കരന്, അഡ്വ. നൂര്ബീന റഷീദ്
എന്നിവര് സംബന്ധിക്കും.